नेकपा एस सत्ता गठबन्धनमा सहभागी हुन सकारात्मक, आज सचिवालय वैठक बस्दै
प्रकाशित मिति : 6 March, 2024 7:16 am
काठमाडौँ। नेकपा (एकीकृत समाजवादी) सत्ता गठबन्धनमा सहभागी हुन सकारात्मक भएको छ । यससम्बन्धी निर्णय गर्न बिहान ११ बजे पार्टी केन्द्रीय कार्यालय आलोकनगरमा पार्टीको सचिवालय वैठक वस्ने भएको छ ।
मंगलवार राति अध्यक्ष माधवकुमार नेपाल निवासमा प्रधानमन्त्री पुष्पकमल दाहाल, नेकपा एमाले अध्यक्षसहितको बैठकका क्रममा सत्ता गठबन्धनमा सहभागी हुन सकारात्मक देखिएको बताइएको हो ।
बैठकमा उपस्थित नेकपा एमालेका महासचिव शंकर पोखरेलले आफूहरुले नेपाललाई सत्ता गठबन्धनमा आउन आग्रह गरेको र नेपाल सकारात्मक रहेको बताए।
उनले बुधवारको बैठकबाट टुंगो गर्ने बताइएको पनि स्पष्ट पारे। बैठकबाट बाहिरिने क्रममा एमाले अध्यक्ष ओलीले आफू नेपाललाई स्वास्थ्यलाभको कामना गर्न आएको बताए।
—न्युज एजेन्सी नेपाल
