कपनबाट हराएकी १९ वर्षीया सुस्मिता पशुपतिको जंगलमा मृत फेला

काठमाडौँ । पशुपति क्षेत्रको जंगलमा १९ वर्षीया युवतीको शव फेला परेको छ ।

सिन्धुलीको कमलामाई नगरपालिका- १ घर भई हाल कपनमा बस्दै आएकी १९ बर्षीया सुस्मिता थापाको शव भेटिएको प्रहरीले जनाएको छ। शुक्रबार बिहान मर्निङवाकमा गएका स्थानियले झुण्डिएको अवस्थामा शव देखेपछि प्रहरीलाई खबर गरेका थिए ।

दुई दिनअघि भक्तपुरमा रहेका आफन्तकोमा जाने भन्दै हिँडेकी सुस्मिता घर नफर्किएपछि उनका आफन्तले सामाजिक संजालमा खोजीका लागि अपिल गरेका थिए ।

उनले आत्महत्या गरेको हुन सक्ने प्रारम्भिक अनुसन्धानबाट खुलेको गौशाला प्रहरी वृत्तका डीएसपी केशव थेवेले बताए । घटनाबारे थप अनुसन्धान भइरहेको छ । उनको शवलाई पोष्टमार्टमको लागि टिचिङ अस्पताल लगिएको छ।