रौतहटमा मनि ट्रान्फसरका सञ्चालकमाथि गोली प्रहार

काठमाडौं । रौतहटमा मनि ट्रान्फसरका सञ्चालकमाथि गोली प्रहार भएको छ। शिव मनि ट्रान्सफरका सञ्चालक २६ वर्षीय नितेश साहमाथि शुक्रबार गोली प्रहार भएको रौतहट प्रहरीले जनाएको छ ।

प्रहरीका अनुसार कटुवा पेस्तोलबाट साहको कन्चटमा गोली लागेको र अवस्था गम्भीर छ। लुटेराको समूहले लुटपाट गर्ने उदेश्य गोली चलाएको पाइएको

गोली प्रहार गर्ने तीनै जना भारतीय रहेको र उनीहरुलाई हतियारसहित नियन्त्रणमा लिइएको जिल्ला प्रहरी कार्यालय रौतहटका प्रवक्ता तथा डीएसपी एजिला गिरीले बताइन् ।

पक्राउ पर्नेमा भारतीय नागरिकहरु मनिस कुमार यादव, राजाकुमार पासवान र चन्द्रभान सिंह छन्। उनीहरुको साथबाट प्रहरीले कटुवा पेस्तोल पनि बरामद गरेको डीएसपी गिरीले बताइन्।

गोली प्रहारबाट गम्भिर घाइते भएका साहको वीरगन्ज न्यूरो अस्पतालमा उपचार भइरहेको छ।