२३ कार्तिक २०८१, शुक्रबार

गोली प्रहारबाट मनि ट्रान्सफरका संचालक घाइते, घटनामा संलग्न ३ जना पक्राउ

प्रकाशित मिति :  15 March, 2024 6:57 pm


काठमाडाैँ । रौतहटकाे परोहा नगरपालिका वडा नम्बर ९ बस्ने शिव मनि ट्रान्सफरका संचालक २६ वर्षीय नितेश साह गोली प्रहारबाट शुक्रबार दिउँसो घाइते भएका छन् ।

घटनामा संलग्न भारत बिहार पुर्वी चम्पारण मोतिहारी दिपही वडा नम्बर २ बस्ने १८ वर्षीय किशोर समेत ३ जनालाई प्रहरीले पक्राउ गरेको छ ।

काउन्टरमा काम गरिरहेको अवस्थामा अपरिचित तीन जना व्यक्तिहरूले नितेश साहलाई गोली प्रहार गरी फरार भएको भन्ने खबर प्राप्त हुनासाथ जिल्ला प्रहरी कार्यालय रौतहट र प्रहरी चौकी रामपुरखापबाट खटिएको प्रहरीले घटनामा संलग्न उनीहरूलाई पक्राउ गरेको हो ।

साथै गोली प्रहारबाट घाइते भएका नितेशलाई प्रादेशिक अस्पताल गौर लगिएकोमा थप उपचारको लागि वीरगंज रिफर गरिएको छ । उनीहरूको साथबाट कटुवा पेस्तोल १ थान र बिआर ०६ सिएल ९७९६ नम्बरको मोटरसाइकल प्रहरीले बरामद गरेको छ ।

यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय रौतहटले जनाएकाे छ ।



प्रतिक्रिया दिनुहोस !