जसपा सांसद अन्सारीको हृदयाघातका कारण निधन
प्रकाशित मिति : 17 March, 2024 12:55 pm
काठमाडौँ । जनता समाजवादी पार्टी (जसपा) सांसद मञ्जु अन्सारीको ६० वर्षको उमेरमा निधन भएको छ।
२०२० साल माघ १९ गते जन्मिएकी अन्सारीको आइतबार बिहान सात बजेर ५५ मिनेट जाँदा हृदयाघातको कारण निधन भएको हो ।
उनको उपचारको क्रममा काठमाडौंको सिभिल अस्पतालमा निधन भएको जनता समाजवादी पार्टीले जनाएको छ । उनी जनता समाजवादी पार्टी, नेपालको पोलिटब्यूरो सदस्य थिइन् ।
अन्सारी २०७९ साल चैत १९ गते प्रतिनिधि सभा सदस्य बनेकी थिइन्। जसपा सांसद शहनाज रहमानको २०७९ फागुन १३ गते निधन भएपछि रिक्त रहेको स्थानमा अन्सारी सांसद भएकी थिइन्।
