सर्लाहीमा ट्याक्टर पल्टिँदा चालकको घटनास्थलमै मृत्यु , ट्याक्टर धनी फरार

सर्लाही । सर्लाहीको बसबरिया गाउँपालिका–३ मा ट्याक्टर दुर्घटना हुँदा चालकको घटनास्थलमै मृत्यु भएको छ।

प्रदेश २–०२–००१ त ०४३५ नम्बरको ट्र्याक्टर पल्टिँदा ट्याक्टर चालक बसबरिया गाउँपालिका–३ का १९ वर्षीय पुजेरी माझीको मृत्यु भएको जिल्ला प्रहरी कार्यालय सर्लाहीका प्रहरी प्रवक्ता एव प्रहरी नायब उपरीक्षक दीपेन्द्र पञ्जियार थारुले जानकारी दिए।

दुर्घटनामा ट्याक्टरमा सवार ट्याक्टर धनी बसबरिया गाउँपालिका–३ का अन्दाजी ५० वर्षीय सञ्जीवकुमार यादव सकुशल रहेका छन् । उनी अहिले फरार रहेका छन् ।

दुर्घटनामा भएको ट्याक्टर इलाका प्रहरी कार्यालय बरहथवाको नियन्त्रणमा रहेको छ । मृत्यु भएका चालकको शवलाई परीक्षणका लागि प्रादेशिक अस्पताल मलङ्गवा, सर्लाही पठाइएको छ ।