बागलुङमा यात्रु बस दुर्घटना, ८ जनाको मृत्युु, २४ जना घाइते

काठमाडौँ । रुकुमपूर्वबाट काठमाडौँका लागि छुटेको बस सोमबार साँझ बागलुङको निसीखोला गाउँपालिका वडा नम्बर ६ स्थित जाउलेपानीमा दुर्घटना हुँदा  ८ जनाको मृत्यु भएको छ भने २४ जना घाइते भएका छन् ।

ईलाका प्रहरी कार्यालय बुर्तिबाङका अनुसार दुर्घटनामा मृत्यु भएका ८ जनाको शव संकलन भइरहेको छ । मृतकमध्ये ४ जना पुरुष र ४ महिला रहेका बताइएको छ । 

रुकुम पूर्वबाट काठमाडौँ जाँदै गरेको बागमती प्रदेश ०१–००६ ख ३८७९ नम्बर बस सडकबाट करिब ३ सय मिटर तल खसेको छ । गाडीमा ३२ जना यात्रु थिए ।घाइतेलाई बुर्तिबाङ प्राथमिक स्वास्थ्य केन्द्र पुर्‍याइएको प्रहरीले जनाएको छ । घटनाको थप विवरण आउन बाँकी छ ।