प्यूठान अस्पतालमा आइसोलेशन बेड निर्माणका लागि स्थानीय तहको आर्थिक सहयोग
प्रकाशित मिति : 9 May, 2020 2:54 pm
प्यूठान, २७ वैशाख ।
प्यूठान अस्पतालमा आइसोलेशन बेड निर्माणका लागि स्थानीय तहले आर्थिक सहयोग गरेका छन् ।
विपद् व्यवस्थापन समितिको बैठकले अस्पतालमा आइसोलेशन बेड थप्न पालिकालाई अनुरोध गर्ने निर्णय गरेसँगै स्थानीय तहले सहयोग गरेका हुन् । कोरोना भाइरसको संक्रमण भएका बिरामीलाई छुट्टै शय्यामा राखेर उपचार गर्न लागिएको हो ।
शुरुआतमा अस्पतालमा चार शय्या निर्माण गरिए पनि अहिले पालिकाले सहयोग गर्न थालेपछि तीन थप गरिएको अस्पतालका निमित्त सुपरिटेण्डेण्ट डा. अमृत पन्थीले बताउनुभयो ।
आइसोलेशन बेड निर्माणका लागि जिल्ला समन्वय समितिले पाँच लाख रुपैयाँ तथा मल्लरानी गाउँपालिका र गौमुखी गाउँपालिकाले अढाइअढाइ लाख रुपैयाँ सहयोग गरेको डा.पन्थीले जानकारी दिए ।
