भक्तपुरको बिष्का जात्रा सुरू
प्रकाशित मिति : 9 April, 2024 7:06 pm
काठमाडौँ । आठ रात नौ दिनसम्म मनाइने भक्तपुरको ऐतिहासिक एवं सांस्कृतिक बिष्का जात्रा आज सुरू भएको छ ।
मंगलवारबाट भक्तपुरमा जात्रा सुरू भएको हो । आज बिहानैदेखि तौमढीस्थित भैरवको रथमा पूजा गर्नेको भीड रहेको थियो । आज पूजा गरिएपछि रथ तानिएको थियो ।
आज रथ तानेर गहिटी लगिएको छ । पूजा गर्दै भैरवको रथमा भैरवनाथ र बेताल विराजमान गराई हनुमानढोकाबाट ल्याएको खड्ग, तरबार र निशान राखेपछि विधिपूर्वक रथ तानेर जात्रा सुरू भएको हो ।
