बझाङ प्रदेशसभा–१को मतगणना सुरु
प्रकाशित मिति : 28 April, 2024 2:17 pm
काठमाडौं । बझाङ प्रदेशसभा–१ मा भएको उपनिर्वाचनको मतगणना सुरू भएको छ । आइतबार दिउँसो एक बजेपछि मतगणना सुरु भएको मुख्य निर्वाचन अधिकृतको कार्यालयले जानकारी दिएको छ ।
बझाङको सदरमुकाम चैतनपुरमा बसेको सर्वदलीय बैठकले १ बजेबाट मत गणना सुरु गर्ने निर्णय गरेसँगै मतगणना सुरु भएको हो । जिल्ला अदालतको भवनमा मतगणना भइरहेको हो।
छविसपाथिभेरा गाउँपालिकाको वडा नम्बर १ र २ बाट गणना थालिएको निर्वाचन अधिकृतको कार्यालयले जनाएको छ । । शनिबार सम्पन्न उपनिर्वाचनमा यहाँ ४९ दशमलव १२ प्रतिशत अर्थात् ३० हजार तीन सय २८ मत खसेको थियो ।
