सुनचाँदीको मूल्य बढ्यो
प्रकाशित मिति : 6 May, 2024 10:46 am
काठमाडौँ । आज सोमबार सुनचाँदी बजारमा सुनको मूल्य तोलामा २०० रुपैयाँले बढेको छ ।
नेपाल सुनचाँदी व्यवसायी महासंघको जानकारी अनुसार छापावाला सुनको मूल्य तोलाको २०० रुपैयाँ बढेर प्रतितोला एक लाख ३५ हजार ६०० रुपैयाँमा कारोबार भइरहेको छ ।
महासंघका अनुसार आज तेजावी सुन तोलाको एक लाख ३४ हजार ९५० रुपैयाँ कारोबार मूल्य तोकिएको छ ।
त्यस्तै आज चाँदीको मूल्य पनि तोलामा २० रुपैयाँ बढेको छ । महासंघका अनुसार चाँदी प्रतितोला २० रुपैयाँ बढेर १६६० रुपैयाँ आजको कारोबार मूल्य ताेकिएको छ ।
