बत्तीसपुतलीमा २४ वर्षीय युवकको सडकमै हत्या, ४ जना पक्राउ

काठमाडौँ । काठमाडौंको बत्तीसपुतलीमा एक युवकको हत्या भएको छ । शनिवार राति मोरङ घर भई कुमारी टोलमा बस्दै आएका २४ वर्षीय शम्भु धिमालको हत्या भएको हो ।

उनको सडकको बीचमै हत्या भएको अवस्थामा शव बरामद भएको जिल्ला प्रहरी परिसर काठमाडौंका एसएसपी बसन्त रजौरेले जानकारी दिए ।

अनुसन्धानका लागि चार जनालाई पक्राउ गरिएको र आजै पत्रकार सम्मेलन गरी घटनाको विस्तृत विवरण सार्वजनिक गरिने एसएसपी रजौरेले बताए । घटनाको प्रारम्भिक अनुसन्धानमा आपसी विवादका कारण हत्या भएको पाइएको छ ।

धिमाललाई प्रहरीले गएराति नै सिनामंगलस्थित केएमसी अस्पताल पुर्याइएकोमा चिकित्सकले मृत घोषणा गरेका थिए ।