चितवनमा स्कुल बसमा आगजनी

चितवन । चितवनको भरतपुर महानगरपालिकास्थित स्मल हेभन स्कुल कल्याणपुरको बसमा अज्ञात समूहले आगजनी गरेको छ ।

अाज बिहान ८ बजे भरतपुर -२०, दद्राहानी पुल नजिक विद्यार्थी लिन गएको स्मल हेभन स्कुल कल्याणपुरको बसमा अज्ञात समूहले आगजनी गरेको हो ।

तीनवटा मोटरसाइकलमा आएका ६ जनाको समूहले बसमा पेट्रोल छर्किएर आगो लगाएका हुन् । आगजनीबाट बस जलेर पूर्ण रुपमा क्षति भएको छ । उनीहरु सबै जना फरार छन् ।

बसमा रहेका विद्यार्थी, बस चालक र सहचालकलाई बस बाहिर निकाली चालकको मोबाइल नियन्त्रमा लिदै अज्ञात समुहले बसमा आगजनी गरेको इलाका प्रहरि कार्यालय चितवनले जनाएको छ ।

भरतपुरबाट आएको दमकलले आगो नियन्त्रमा लिए पनि आगजनीको कारण खुलेको छैन । प्रहरीले अनुसन्धानका लागि प्रहरी टोली परिचालन गरिएको जनाएको छ ।