क्रिकेटर सन्दीप लामिछानेको पुनरावेदनमाथि आज सुनुवाई हुँदै
प्रकाशित मिति : 14 May, 2024 8:37 am
![](https://i0.wp.com/www.lumbinisanchar.com/wp-content/uploads/2024/05/Sandeep-Lamichhane.jpg?fit=2048%2C1365&ssl=1)
काठमाडौँ। क्रिकेटर सन्दीप लामिछानेले पुनरावेदन गरेको मुद्दाको पेशी आजलाई तोकिएको छ । काठमाडौं जिल्ला अदालतको फैसला अस्वीकार गर्दै उच्च अदालत पाटनमा दर्ता गराएको मुद्दाको पेशी आजका लागि तोकिएको हो ।
वैशाख २३ गते लामिछानेको मुद्दा उच्च अदालत पाटनका मुख्य न्यायाधीश नृपध्वज निरौला र दुर्गाप्रसाद ढुंगेलको संयुक्त इजलासमा पहिलो नम्बरमा परेको भएपनि हेर्न नमिल्ने भन्दै पन्छाइएको थियो ।
जिल्ला अदालत काठमाडौँले गौशाला २६ द्वारा दायर गरिएको बलात्कारको मुद्दामा सन्दीपलाई दोषी ठह-याएर आठ वर्षको जेल सजाय सुनाएको थियो । जिल्ला अदालत काठमाडौँको उक्त फैसलाविरुद्ध सन्दीपले उच्च अदालत पाटनमा पुनरावेदन गरेका थिए ।