दूध दिवसको अवसरमा डेरी एसोसिएसनले वक्तृत्वकला प्रतियोगिता गर्दै

काठमाडौँ । नेपाल डेरी एसोसिएसनले विश्व दूध दिवसको अवसरमा उपत्यकाव्यापी वक्तृत्वकला प्रतियोगिताको आयोजना गर्ने भएको छ ।

‘दूध तथा दुग्ध पदार्थको सेवन, दुग्ध व्यवसायको प्रवद्र्धन’ भन्ने शिर्षकमा जेठ १४ गते काठमाडौँकाे त्रिरत्न आवासिय विद्यालयमा वक्तृत्वकला प्रतियोगिता आयाेजना गरेकाे एसोसिएसनका अध्यक्ष प्रल्लाद दाहालले जानकारी दिए ।

दुधको महत्व बारे जानकारी गराउँदै बालबालिकाहरूको चौतर्फी विकासको लागि र बालबालिका भित्र लुकेर बसेको प्रतिभा प्रस्फुटन गराउने उद्देश्यले उक्त कार्यक्रमकाे आयोजना गर्न लागिएकाे अध्यक्ष दाहालले जानकारी दिए ।

एसोसिएसनले आघिल्लो वर्ष पनि ‘दीर्घ जीवन, गुणस्तरीय दूध तथा दुग्ध पदार्थको सेवन’ भन्ने शिर्षकमा वक्तृत्वकला प्रतियोगिता गरेको थियो ।