बालेनको आक्रोश: चालक रिहा नभएसम्म सिंहदरबार र नेताको घरको फोहोर उठ्दैन

काठमाडौँ । काठमाडाैँ महानगरपालिकाका मेयर बालेन्द्र शाहले महानगरका फोहोर बोक्ने गाडीका चार चालकलाई पक्राउ गरेको भन्दै सरकारप्रति आक्रोश व्यक्त गरेका छन् ।

मेयर शाहले सामाजिक सञ्जालमा लेख्दै महानगरका चालकहरुलाई स-सम्मान रिहा नगरेसम्म सिंहदरबारलगायत सबै पार्टी कार्यालय र नेताहरूका घरबाट फोहोर नउठाउने बताएका छन् ।

“भ्रष्टलाई समाउन सक्नु भएन, काठमाडौँमा फोहोर बोक्ने चार चालकलाई समाउनुभएछ यो सरकारले,”सामाजिक सञ्जालमा उनले लेखेका छन्, “जबसम्म स-सम्मान चालकहरू रिहा हुन्नन् सिंहदरबारलगायत सबै पार्टी कार्यालयको र नेताहरूको घरको फोहोर उठ्दैन । को-को जुध्न आउने हो, आए हुन्छ, कसैलाई बाँकी छोडिँदैन ।”