पहिरोले दमौली–डुम्रे सडक अवरूद्ध
प्रकाशित मिति : 2 June, 2024 11:02 am
काठमाडौँ । पृथ्वीराजमार्गअन्तर्गत दमौली–डुम्रे खण्ड अवरूद्ध भएको छ । तनहुँको व्यास नगरपालिका–१ मुसेखोला नजिक पहिरो खस्दा दमौली–डुम्रे खण्ड अवरूद्ध भएको हो।
मुग्लिन–पोखरा सडक विस्तारका क्रममा खनिएको भित्तो खस्दा सडक अवरूद्ध भएको जिल्ला प्रहरी कार्यालय तनहुँले जनाएको छ।
शनिबार राति ७ बजे पहिरो खसेर अवरूद्ध भएको उक्त खण्ड राति १२ बजेदेखि सञ्चालनमा आए पनि आज बिहानै पुनः पहिरो खसेको हो। पहिरो हटाएर राजमार्ग सञ्चालन गराउने प्रयास भइरहेको प्रहरीले जनाएको छ।
