टर्कीमा सैन्य विमान दुर्घटनाः दुई जनाको मृत्यु
प्रकाशित मिति : 4 June, 2024 6:38 pm
![](https://i0.wp.com/www.lumbinisanchar.com/wp-content/uploads/2024/02/turkey.jpg?fit=980%2C551&ssl=1)
काठमाडौँ । टर्कीमा सैन्य तालिमका क्रममा विमान दुर्घटना हुँदा २ सैनिकको मृत्यु भएको छ ।
मङ्गलबार मध्य टर्की प्रान्त केसेरीमा सैन्य तालिमका क्रममा भएको विमान दुर्घटनामा दुई सैनिकको मृत्यु भएको टर्कीको रक्षा मन्त्रालयले जनाएको छ ।
वायुसेना कमाण्डको प्रशिक्षण विमान तालिमरपरीक्षणको लागि केसेरीको १२ औं एयर ट्रान्सपोर्टेशन मेन बेस कमाण्डबाट उडेको थियो । अज्ञात कारणले दुर्घटनामा परेको बताइएको छ ।
स्थानीय गभर्नरका अनुसार विमान कासेरी प्रान्तको कोकासिनान जिल्लाको हसन अर्पा छिमेकमा दुर्घटनाग्रस्त भएको थियो ।