यस्तो रहनेछ शनिवारको मौसम

काठमाडौँ। हाल नेपालमा स्थानीय वायु र पश्चिमी वायुको प्रभाव रहेको छ। शनिवार बिहानीपख कोशी प्रदेश लगायत देशको पहाडी भूभागमा आंशिक बदली तथा बाँकी भूभागमा मौसम मुख्यतया सफा रहेको छ।

जल तथा मौस्म विज्ञान विभागका अनुसार शनिवार दिउँसो कोशी प्रदेश, बागमती प्रदेश र गण्डकी प्रदेशका थोरै स्थानहरूमा तथा बाँकी भूभागका एकदुई स्थानमा मेघगर्जन/चट्याङ्ग सहित हल्कादेखि मध्यम वर्षाको सम्भावना रहेको छ ।

लुम्विनी प्रदेश, कर्णाली प्रदेश र सुदूरपश्चिम प्रदेशका थोरै स्थानहरुमा हावा हुरीको पनि सम्भावना रहेको छ।

शनिवार राती कोशी प्रदेशको थोरै स्थानहरुमा तथा बाँकी प्रदेशका एक–दुई स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको विभागले जनाएको छ ।

आगामी तीन दिनको मौसमबारे जानकारी लिन यहाँ क्लिक गर्न सक्नुहुनेछ।

• #माैसम