वर्षाका कारण नेपाल र श्रीलंकाबिचको खेल रद्द, एक–एक अंक बाँडियाे
प्रकाशित मिति : 12 June, 2024 7:49 am
काठमाडौँ। नेपाल र श्रीलंकाबीचको खेल वर्षाका कारण रद्द भएको छ। आइसिसी टी–२० विश्वकप २०२४ अन्तर्गत आज बिहान हुने खेल रद्द भएको हो ।
नेपाल र श्रीलंकाले एक–एक अंक पाएका छन्। अब नेपालले सेन्ट भिसेन्टमा दक्षिण अफ्रिका र बंगलादेशसँग खेल्नेछ।
अमेरिकाको फ्लोरिडास्थित सेन्ट्रल ब्रोवार्ड रंगशाला क्षेत्रमा निरन्तर वर्षा भएपछि मैदानको आउटफिल्डमा पानी जमेको थियो। मुख्य पीच छोपिएको छ भने रनिङ क्षेत्र वर्षातका कारण भिजेको हो।
खेल हेर्नका लागि फ्लोडिडा पुगेका दर्शक भने निरास बनेका छन्।
