स्याङ्जामा रुखबाट लडेर एक महिलाको मृत्यु
प्रकाशित मिति : 12 June, 2024 11:56 am
काठमाडौँ । स्याङ्जामा रुखबाट लडेर एक महिलाको मृत्यु भएको छ । चापाकोट नगरपालिका वडा नम्बर ७ साँखर की ३५ वर्षिय सृजना ढकालको रुखबाट खसेर मृत्यु भएको हो ।
आफ्नो बारीमा रहेको पिपलको घाँस काट्न रुखमा चढेकी ढकाल अचानक खसेर घाइते भएकी थिइन् । घाइते ढकालको पाल्पाको रामपुर अस्पतालमा उपचारका क्रममा मृत्यु भएको जिल्ला प्रहरी कार्यालय स्याङ्जाका प्रवक्ता प्रहरी नायब उपरीक्षक इन्द्रबहादुर रानाले जानकारी दिए ।
जिल्ला प्रहरी कार्यालय स्याङ्जाका अनुसार घटनाबारे थप अनुसन्धान भइरहेको छ ।
