गतराती बुटवलको कार दुर्घटनामा ३ जनाको मृत्यु
प्रकाशित मिति : 13 June, 2024 7:01 am
बुटवल । बुधवार राती बुटलवलमा भएको कार दुर्घटनामा परेर ३ जनाको मृत्यु भएको छ ।
पाल्पाको तिनाउ गाउँपालिकास्थित नुवाकोटबाट बुटवलतर्फ आउँदै गरेको लु २ च ८५३१ नम्बरको कार सडकबाट झण्डै १ सय मिटर खसेको प्रहरीले जनाएको छ ।
मृत्यु हुनेमा बुटवल उपमहानगरपालिका १० का ५५ वर्षीय रामप्रसाद शर्मा, तिलोत्तमा नगरपालिका ३ की ६७ वर्षिया आशा श्रेष्ठ र सोही स्थानकी ५० वर्षीया भगवती श्रेष्ठ रहेका छन् ।
दुर्घटनामा बुटवल मिलनचोककी चन्दा श्रेष्ठ र बुटवल ११ होराइजन चोककी लक्ष्मीता श्रेष्ठ घाइते रहेको र उचार चलिरहेको जनाइएको छ ।
