भेरी नदीमा पौडी खेल्नेक्रममा २ जना बेपत्ता
प्रकाशित मिति : 16 June, 2024 9:57 am
काठमाडौँ । भेरी नदीमा पौडी खेल्नेक्रममा दुई जना बेपत्ता भएका छन् ।
शनिबार दिउँसो सुर्खेतको वीरेन्द्रनगर–२ चोक्टे नजिक पौडी खेल्न गएका दुई जना बेपत्ता भएका हुन्।
जिल्ला प्रहरी कार्यालय सुर्खेतका प्रवक्ता डिएसपी वीरेन्द्र वीर विश्वकर्माका अनुसार वीरेन्द्रनगर–२ का १९ वर्षीय विनोद केसी र १७ वर्षीय भुवन केसी बेपत्ता भएका हुन्।
शनिबार दिउँसो पौने ४ बजेबाट बेपत्ता भएका उनीहरूको बेलुका अबेसम्म खोजी गरिएको डिएसपी विश्वकर्माले जानकारी दिए। आज आइतबार गोताखोर परिचालन गरी खोजी गरिने डिएसपी विश्वकर्माले बताए ।
