नेपाल पेट्रोलियम ट्यांकर संघको आन्दोलनका कारण राजधानीमा पेट्रोल अभाव
प्रकाशित मिति : 17 June, 2024 11:48 am
काठमाडौं । नेपाल पेट्रोलियम ट्यांकर चालक संघको आन्दोलनका कारण पेट्रोल पम्पमा पेट्रोलको अभाव भएको छ । सोहीकारण आइतबारबाटै राजधानीका निजी पेट्रोल पम्पहरुले पेट्रोलियम पदार्थको बिक्रि रोकेका छन् ।
ट्याङ्कर व्यवसायीहरुका विभिन्न संघ संस्थाहरले थानकोटबाट आउने पेट्रोल ट्याङ्करहरु रोकेका छन् । काठमाडौंमा अधिकांश निजी पम्पमा पेट्रोल छैन भन्ने सूचना टाँस गरिएको छ ।
निजी पेट्रोलपम्पहरु बन्द हुँदा नेपाल प्रहरी र नेपाली सेनाले सञ्चालन गरेका पेट्रोल पम्पहरुमा आज बिहानैदेखि डिजल र पेट्रोल भर्न सवारी साधनको लामो लाइन लागेको छ।
