मेट्रोपोलिस निर्देशक समितिको बैठकमा भाग लिन मेयर बालेन शाह ब्राजिल प्रस्थान
प्रकाशित मिति : 17 June, 2024 12:38 pm
काठमाडौं । काठमाडौँ महानगरपालिकाका प्रमुख बालेन्द्र शाह (बालेन) ब्राजिल प्रस्थान गरेका छन् ।
ब्राजिलमा आजोजित मेट्रोपोलिस निर्देशक समितिको बैठकमा भाग लिन मेयर शाह आज विहान सवा २ बजे ब्राजिल प्रस्थान गरेका हुन् ।
मेयर शाहले असार ५ र ६ गते (जुन १९ र २०, २०२४) मा ब्राजिलको साओ पाउलोमा निर्देशक समितिको बैठकमा सहभागिता जनाउने महानगर स्रोतले जनाएको छ ।
बैठक सम्पन्न गरेर मेयर शाह असार ८ गते स्वदेश फर्किनेछन् ।
