आईसीसी टी–२० विश्वकप खेलेर नेपाली राष्ट्रिय क्रिकेट टोली स्वदेश फर्कियो

काठमाडौं । आईसीसी टी–२० विश्वकप खेलेर नेपाली राष्ट्रिय क्रिकेट टोली स्वदेश फर्किएको छ। अमेरिका र वेस्ट इन्डिजमा भएको विश्वकप सकेर दुई समूहमा बाँडिएर टोली स्वदेश फर्किएको हो।

हिजो राति र आज बिहान गरी दुईवटा समूहमा बाँडिएर टिम फर्किएको हो । कुशल भुर्तेल, सोमपाल कामी, आसिफ शेख, करन केसी र अविनाश बोहरालगायतको समूह हिजो राति १० बजे विमानस्थलमा ओर्लिए भने कप्तान रोहित कुमार पौडेल लगायत बाँकी रहेका खेलाडी तथा अफिसियल आज आइपुगेका हुन् ।

टीमका अन्य सदस्य अमेरिका भएर नेपाल आएका छन् भने सन्दिप लामिछानेसँग अमेरिकाको भिसा नभएकोले उनी २ दिनपछि मात्रै आइपुग्ने क्यानले जनाएको छ । क्यानकाअनुसार लामिछाने क्यानडाबाट नेपाल आउने छन् ।