रंगशालामा मनाइयो १० औं अन्तर्राष्ट्रिय योग दिवस
![](https://i0.wp.com/www.lumbinisanchar.com/wp-content/uploads/2024/06/1718956841-sYh8w.jpg?fit=1200%2C675&ssl=1)
काठमाडाैँ । आज १० औं अन्तर्राष्ट्रिय योग दिवस विभिन्न कार्यक्रमको आयोजना गरी मनाइँदैछ ।
विश्व अन्तर्राष्ट्रिय योग दिवसको अवसरमा काठमाडौँको दशरथ रंगशाला परिसरमा पनि योगा गरेर योग दिवस मनाइएको छ । सो क्रममा विभिन्न योगासनहरू प्रस्तुत गरिएको थियो । संयुक्त राष्ट्रसंघको महासभाबाट पारित प्रस्ताव अनुसार २१ जुनलाई विश्व योग दिवस मनाउन नेपाल सरकारले पनि २६ जेठ २०७३ मा निर्णय गरेको थियो ।
सोही अनुसार शिक्षा मन्त्रालयको संयोजनमा प्रत्येक वर्ष २१ जुनमा विश्व योग दिवस मनाउँदै आएको छ । ‘योगा फर सेल्फ एण्ड सोसाइटी’ भन्ने मुल नाराका साथ दशौं विश्व योग दिवस मनाउन लागिएको हो ।
योगबारे जानकारी दिँदै योग साधक एवं वागमती प्रदेश योग खेलकुदसंघका अध्यक्ष केदारनाथ बस्ताकोटी यो स्वास्थ्यका लागि भएको बताए । युवालाई आसनको माध्यमबाट योग सिकाउनसके युवाहरू योगमा आकर्षित गर्न सकिने उनकाे भनाइ छ ।