सिमलताल पहिरोमा बेपत्ता गणपति डिलक्सका ३ जना सकुशल

काठमाडौँ । मुग्लिङ–नारायणगढ सडकखण्डको सिमलतालको पहिरोमा परेर बेपता भएको गणपति डिलक्स बसमा सवार २८ जना यात्रु बेपता भएको खुलेको छ। बसमा सवार ३१ यात्रु मध्ये ३ जनाले भने हामफालेर ज्यान जोगाएका छन् ।

बसमा सवार ३१ जना मध्ये रौतहट देवाही गोनाही नगरपालिका करुनियाका २ जना र वृन्दावन नगरपालिका सिसवा धमौराका एकजना गरी तीन जनाले हामफालेर ज्यान जोगाएको रौतहट प्रहरी प्रमुख एसपी दिलीप घिमिरेले जानकारी दिए ।

काठमाडौंबाट गौर जाँदै गरेको गणपति डिलक्स र वीरगञ्जदेखि काठमाडौंतर्फ आइरहेको एन्जल डिलक्सका बस आज बिहान करिब साढे तीन बजे चितवनको भरतपुर महानगरपालिका–२९ सिमताल भन्ने स्थानमा लेदो माटोसहितको पहिरो खस्दा त्रिशूली नदीमा बेपत्ता भएको थियो ।