भारतद्वारा ३० हजार थान टेष्ट किट प्रदान, परराष्ट्रमन्त्री ज्ञवालीले दिए धन्यवाद
प्रकाशित मिति : 17 May, 2020 1:03 pm
काठमाडाैं, ४ जेठ ।
भारत सरकारले नेपालाई ३० हजार थान कोभिड १९ क्वालिटेटिभ आरटी पीसीआर टेष्ट किट प्रदान गरेको छ ।
नेपालका लागि भारतीय राजदूत विनय मोहन क्वात्राले स्वास्थ्यमन्त्री भानुभक्त ढकाललाइ उपहार स्वरूप किट हस्तान्तरण गरेका छन् ।
आज हस्तान्तरण गरिएको किट माइल्याब कम्पनीले उत्पादन गरेको रहेको नेपालस्थित भारतीय दूतावासले जनाएको छ । यसअघि पनि भारतले वैशाख १० गते २३ मेटन औषधि हस्तान्तरण गरेको थियो ।
परराष्ट्रमन्त्री प्रदिव ज्ञवालीले ट्वीटर मार्फत् सहयोगका लागि भारतलाइ धन्यवाद दिएका छन् ।
