आज साउने सङ्क्रान्ति, लुतो फालेर मनाइँदै
काठमाडौँ। आज साउने (कर्कट) सङ्क्रान्ति, हिन्दू परम्परा अनुसार पूजाआजा गरी लुतो फालेर पनि मनाइँदैछ।
सूर्यले मिथुन राशिको भोग पूरागरी कर्कट राशिमा प्रवेश गर्ने पहिलो दिन आज देशभर साउने सङ्क्रान्तिका रुपमा मनाइन्छ।
१ गते सुरु हुने उत्तरायण र साउन १ गते सुरु हुने दक्षिणायनका दिनलाई विशेष रुपमा मनाइन्छ । साउनदेखि नै सूर्य दक्षिण हुँदै हिँड्ने भएकाले आजैदेखि दक्षिणायन सुरु हुन्छ ।
असारमा हिलोमैलो खेल्दा छालासम्बन्धी रोग लाग्न सक्ने भएकाले ठीक गर्न लुतो फाल्ने परम्परा कायम गरिएको विश्वास गरिन्छ ।
लुतो फाल्दा कागभलायो, कुकुरडाइनो, लुतेझार, पानीअमला, कागती, अम्बा, नासपाती आदि औषधिका रुपमा प्रयोग हुने वनस्पति राखेर कण्डारक नाम गरेका राक्षसको पूजा गरी अगुल्टो फालिन्छ ।
साउन महिनालाई भगवान् शिवको विशेष रुपमा पूजा गरेर मनाउने महिनाका रुपमा पनि लिइन्छ । साउन महिनामा विशेषगरी महिलाहरु हरियो कपडा र हरिया चुरा लगाउने गर्छन् ।
