लुम्बिनीमा चेतनारायण आचार्य मुख्यमन्त्री बन्ने
लुम्बिनी । लुम्बिनीमा नेकपा एमालेबाट चेतनारायण आचार्य मुख्यमन्त्री बन्ने भएका छन् ।
संसदीय दलका नेता लीला गिरी नभएर निवर्तमान आर्थिक मामिला मन्त्री आचार्य मुख्यमन्त्री बन्ने पक्का भएको हो । एमाले नेता भूमिश्वर ढकालले आचार्य मुख्यमन्त्री बन्ने पुष्टि गरे ।
उनले भने,“ हो आचार्य जी मुख्यमन्त्री बन्ने पक्का भएको छ ।”
निवर्तमान आर्थिक मामिला मन्त्री आचार्यले आफू यसपटक मुख्यमन्त्री नबने मन्त्रीका रुपमा नदोहोरिने बताएका थिए ।
गत हप्ता मात्रै आचार्य काठमाडौँ आएर शिर्ष नेताहरूसँग छलफल गरेर फर्किएका थिए ।
यसअघि एमाले संसदीय दलका नेता लीला गिरी मुख्यमन्त्री बन्ने भनि पनि एमाले केन्द्रको निर्देशनमा आचार्य मुख्यमन्त्री बन्ने भएका हुन् ।
पार्टीभित्र आचार्य महासचिव शङ्कर पोखरेल निकट मानिन्छन् । संसदीय दलका नेता गिरी उपाध्यक्ष विष्णु पौडेल निकट मानिन्छन् ।
संसदीय दलको नेता मुख्यमन्त्री बन्ने प्रचलन भए पनि नेकपा एमालेले भने आचार्यलाई लुम्बिनीमा मुख्यमन्त्री बनाउने निर्णय गरेको छ ।
हिजो मात्रै नेकपा माओवादी केन्द्रबाट मुख्यमन्त्री बनेका जोखबहादुर महराले मुख्यमन्त्रीबाट राजीनामा दिएपछि लुम्बिनी प्रदेशमा नयाँ सरकार गठनको प्रकृया अगाडि बढेको हो ।
