होटल सांग्रिलाका संस्थापक अध्यक्ष श्यामबहादुर पाण्डेको निधन

काठमाडौं । लाजिम्पाटस्थित पाँचतारे होटल सांग्रिलाका संस्थापक अध्यक्ष तथा सञ्चालक श्यामबहादुर पाण्डेको निधन भएको छ । ८८ वर्षीय पाण्डेको उपचारका क्रममा सोमबार ग्रान्डी अस्पतालमा निधन भएको अस्पताल स्रोतले जनाएको छ ।

६० वर्षभन्दा बढी पर्यटन र होटल उद्योगको विकासमा सक्रिय पाण्डेले ६ चार दशकअघि होटल सांग्रिला स्थापना गरेको थिए ।

पाण्डेको पार्थीव शरीरलाई अन्तिम श्रद्धाञ्जली दिन दिउँसो २ बजेसम्म उनको घरमा राखिने र दिउँसो ४ बजे पशुपति आर्यघाटमा दाहसंस्कार गरिने परिवारले जनाएको छ। पाण्डेका श्रीमती, दुई छोरा र एक छोरी छन् ।