महिलालाई अगाडि नबढाएसम्म देश बन्दैनः सांसद कोइराला
काठमाडौँ । नेपाली काँग्रेसका सांसद डा.शशांक कोईरालाले महिलालाई अगाडि नसारेसम्म देशले विकास गर्न नसक्ने बताएका छन् । सोमवार काठमाडौँमा आयोजित वर्तमान संविधान र समाजवादउन्मुख लोकतन्त्र विषयक विचार गोष्ठीमा बोल्दै उनले यस्तो बताएका हुन् ।
उनले महिलालाई आदर र सम्मानका साथ अघि बढाएमात्रै देशले गति लिने बताए । उनले महिलाले हरेक घर, समाज र देशलाई नै नेतृत्व गरी विकास गर्नसक्ने जिकिर गरे । उनले महिलाहरूकै अग्रणी भुमिकाका कारण आफूले ४ पटक निर्वाचन जितेको बताए ।
“महिलाहरूलाई जबसम्म हामी आदर गर्दैनौँ, तबसम्म हाम्रो विकास हुन सक्दैन । महिला नै महिलाको बिचमा म हुर्किएको हुँ । सानैदेखि फ्रक लगाएको हो । तीन वर्षसम्म फ्रक नै लगाएर बसेँ । म महिलाको समस्याहरु बुझ्छु । हुनत घरको साँचो महिलासँग मात्रै हुँदैन । समाजको साँचो महिलासँग हुन्छ । मैले चार पटक आफ्नो क्षेत्रबाट जितेँ । म महिला नै अगाडि भएर जितेको छु,”उनले भने ।
