सहकारी सञ्चालकको सम्पत्तिबाट ५ लाख बचत फिर्ता गर्न सहजीकरण गर्ने
प्रकाशित मिति : 26 July, 2024 1:44 pm
![](https://i0.wp.com/www.lumbinisanchar.com/wp-content/uploads/2024/07/Moudrik-Niti-081-82.jpg?fit=1920%2C1080&ssl=1)
काठमाडौँ । नेपाल राष्ट्र बैंकले समस्याग्रस्त सहकारीका सञ्चालक र एकाघरको परिवारका सदस्यको नाममा रहेको सम्पत्तिबाट ५ लाखसम्मका बचतकर्ताको रकम फिर्ता गर्न नेपाल सरकारलाई सहजीकरण गर्ने भएको छ ।
राष्ट्र बैंकले सार्वजनिक गरेकाे आर्थिक वर्ष २०८१\०८२ को मौद्रिक नीतिमा सरकारले चालु आर्थिक वर्ष २०८१ \०८२ काे बजेटमा व्यवस्था गरेको नीति कार्यान्वयन गर्न सहज गरिने उल्लेख गरिएकाे छ ।
सरकारको बजेट वक्तव्यअनुसार समस्याग्रस्त सहकारीका सञ्चालक र एकाघरको परिवारको सदस्यको नाममा रहेको सम्पत्तिको धितोको सुरक्षणमा ५ लाख रुपैयाँसम्मका बचतकर्ता सदस्यको रकम फिर्ता गर्ने व्यवस्था कार्यान्वयनको लागि नेपाल सरकारलाई सहजीकरण गर्ने गर्भनर महाप्रसाद अधिकारीले जानकारी दिए।