स्याङ्जाको भीरकोटमा जीप दुर्घटना हुँदा चार जना घाइते
काठमाडौँ । स्याङ्जाको भीरकोट नगरपालिका वडा नम्बर ४ दर्बुङठाटी स्थित भित्री सडक खण्डमा बोलेरो जीप पल्टिँदा चार जना घाइते भएका छन् । दर्बुङठाटीबाट वालिङतर्फ आँउदै गरेको ध १ ज २६ नम्बरको जीप पल्टिँदा चार जना घाइते भएका हुन् ।
जिप अनियन्त्रित भइ सडकबाट अन्दाजी १० मिटर तल पल्टिँदा जीपमा सवार चार जना घाइते भएको जिल्ला प्रहरी कार्यालय स्याङ्जाका प्रवक्ता इन्द्रबहादुर रानाले जानकारी दिए ।
घाइते हुनेमा भीरकोट नगरपालिका वडा नम्बर ४ बस्ने वर्ष २८ का धन बहादुर राना र सोही ठाउँ बस्ने वर्ष ५१ को इन्द्र बहादुर थापा प्राथमिक स्वास्थ्य केन्द्र वालिङको सामान्य उपचार पश्चात डिस्चार्ज भएको जिल्ला प्रहरी कार्यालय स्याङ्जाले जनाएको छ ।
त्यस्तै भीरकोट नगरपालिका वडा नम्बर ४ बस्ने वर्ष ३६ का गाडी चालक चित्र बहादुर राना र सोही ठाउँ बस्ने अवस्था मध्यम रहेकी वर्ष ७२ की शोभा थापालाई थप उपचारको लागि मणिपाल अस्पताल पोखरा रिफर गरिएको जिल्ला प्रहरी कार्यालय स्याङ्जाका प्रवक्ता रानाले बताए ।
