संविधानको समावेशी चरित्रलाई बाधा नआउनेगरी संविधान संशोधन गर्नुपर्छः नेता कोइराला
काठमाडाैँ । नेपाली काँग्रेसका नेता डा.शेखर कोइरालाले संविधानको समावेशि चरित्रलाई परिवर्तन नगरी संविधान संशोधन गर्नुपर्ने बताएका छन् ।
आइतवार नेपाली काँग्रेस पार्टी केन्द्रिय कार्यालय सानेपामा भएको प्रजातन्त्र सेनानी संघको प्रशिक्षण कार्यक्रममा बोल्दै नेता कोईरालाले संविधानका उल्लेख भएको समावेशि चरित्रलाई कुनै किसिमको बाधा तथा अड्चन नआउने गरी संविधान संशोधन गर्नुपर्ने बताएका हुन् ।
उनले राजनीतिक स्थायित्वको लागि नेपाली काँग्रेस र नेकपा (एमाले)सम्मिलित सरकार बनेको भन्दै सरकारलाई मजबुत बनाउनुपर्ने धारणा राखे। उनले राजनीतिक स्थायित्वको लागि संविधान संशोधन गर्नुपर्ने बताए । मिश्रित निर्वाचन प्रणालीबाट कुनैपनि राजनीतिक दलको बहुमत नआउने भन्दै उनले दलहरूको बहुमत ल्याउन प्रत्यक्ष निर्वाचन प्रणालीमा जानुपर्ने बताए।
उनले भ्रष्टाचारमुक्त समाज बनाउने कुरालाई सरकारले नजरअन्दाज गर्न नमिल्ने पनि बताए । उनले संसदका दुई ठूला दलहरू नेपाली काँग्रेस र नेकपा(एमाले) मिलेर सरकार बनाउँदा निरंकुशता जन्मिने आशंका सबैलाई रहेको भन्दै गलत कामको विरुद्ध आवाज उठाउँदा सहि दिशमा अघि बढ्न सकिने बताए ।
नेता कोइरालाले नेपाली काँग्रेस पार्टीलाई पुरानो अवस्थामा फर्काइछाड्ने बताए । उनले पार्टीलाई मजबुत बनाउनका लागि सक्रियतापूर्वक पार्टी काममा लाग्न नेता, कार्यकर्ताहरुलाई आग्रह गरे ।
