ओमान जाँदै परराष्ट्रसचिव लम्साल
प्रकाशित मिति : 4 August, 2024 5:51 pm
काठमाडौँ । परराष्ट्र मन्त्रालयका सचिव सेवा लम्साल ओमान जाने भएकी छिन् । नेपाली प्रतिनिधिमण्डलको नेतृत्व गर्दै सोमबार ओमानको राजधानी मस्कट जान लागेको मन्त्रालयले जनाएको छ ।
यही साउन २३ गते मस्कटमा हुने नेपाल र ओमानबिचको पहिलो द्विपक्षीय परामर्श संयन्त्र बैठकमा सहभागी हुन उनी त्यहाँ जान लागेकी हुन् ।
भ्रमणका क्रममा परराष्ट्र सचिव लम्साल मस्कटमा औपचारिक भेटघाट तथा कार्यक्रममा सहभागी हुनेछिन् । उनी यही साउन २५ गते स्वदेश फर्किनेछिन् ।
