सुदूरपश्चिम प्रदेशको मुख्यमन्त्रीमा कमल शाह नियुक्त
प्रकाशित मिति : 4 August, 2024 5:55 pm
काठमाडौँ । नेपाली कांग्रेसका नेता कमलबहादुर शाह सुदूरपश्चिम प्रदेशको मुख्यमन्त्रीमा नियुक्त भएका छन्।
प्रदेश प्रमुख नजिर मियाँले आइतबार शाहलाई मुख्यमन्त्री नियुक्त गरेका हुन्। नेपालको संविधानको धारा १६८ को उपधारा (२) बमोजिम शाहलाई मुख्यमन्त्री नियुक्त गरिएको प्रदेश प्रमुखको कार्यालयले जनाएको छ।
उनी दोस्रो पटक मुख्यमन्त्री बनेका हुन्। यसअघि माओवादी र नेकपा (एकीकृत समाजवादी)को समर्थनमा १४ महीना मुख्यमन्त्री भएका थिए।
