जीप दुर्घटना हुँदा दाङमा एक जनाको मृत्यु

दाङ । यात्रुबाहक जीप दुर्घटना हुँदा दाङमा एक जनाको मृत्यु भएको छ । तुलसीपुरदेखि सल्यानको पिङखोला जाँदै गरेको रा १ ज ७७० नम्वररको जीप आज साँझ शान्तिनगर गाउँपालिका–१ हाडीचारमा दुर्घटना हुँदा एक जनाको मृत्यु भएको जिल्ला प्रहरी कार्यालय दाङका प्रवक्ता एवं प्रहरी नायव उपरीक्षक रामप्रसाद तिमिल्सिनाले जानकारी दिए।

प्रहरी नायव उपरीक्षक तिमिल्सिनाका अनुसार दुर्घटनामा सल्यान जिल्ला त्रिवेणी गाउँपालिका–३ टोटके निवासी करिव ५० वर्षिय यामबहादुर केसीको मृत्यु भएको छ ।

दुर्घटनापछि जीपले च्यापिएर केसीको मृत्यु भएको हो । जीपमा सवार अन्य आठ जनाको अवस्था सामान्य रहेको प्रहरीले जनाएको छ ।