गजुरीमा गुडिरहेको माइक्रो बसमाथि रुख खस्दा ७ जना घाइते
प्रकाशित मिति : 5 August, 2024 11:07 am
काठमाडौँ । धादिङमा गुडिरहेको माइक्रो बसमाथि रुख खस्दा ७ जना यात्रु घाइते भएका छन् ।
धादिङस्थित गजुरीको जरेखोलामा पहिरोसँगै ढलेको रुखले च्यापेर विद्युतीय माइक्रोबसका ७ जना यात्रु घाइते भएका हुन् ।घाइतेलाई उपचारका लागि गजुरी अस्पताल लगिएको छ ।
माइक्रो बस धादिङबेंसीबाट काठमाडौंका लागि छुटेको थियो । घाइतेको परिचय खुलिसकेको छैन । घटनाको थप विवरण आउन बाँकी छ ।
