बागलुङमा पहिरोले ४ घर पुरिए, एकजनाको मृत्यु
प्रकाशित मिति : 6 August, 2024 1:36 pm
बागलुङ । बागलुङको बडिगाड गाउँपालिका–९ दर्लिङखोलामा पहिरोले घर पुरिँदा एकजनाको मृत्यु भएको छ ।
भीमगोठस्थित इलाका प्रहरी कार्यालयका अनुसार पहिरोमा परी १५ वर्षीय विधान परियारको मृत्यु भएको हो । उनको शव परीक्षणका लागि बुर्तिबाङ प्राथमिक स्वास्थ्य केन्द्र लगिएको वडा नम्बर ९का वडाअध्यक्ष कृष्णबहादुर केसीले बताए ।
उनकाअनुसार बडिगाड गाउँपालिका–१० दर्लिङमा तीनवटा घर पुरिएका छन् । विकट स्थानमा पहिरो खसेकाले त्यहाँ प्रहरी पनि पुग्न सकेको छैन, ती घरमा मानिस भएनभएको यकिन हुन पनि सकेको छैन ।
