काभा नेसन्स लिगको उपाधि भारतलाई
प्रकाशित मिति : 7 August, 2024 7:34 pm
काठमाडौँ । काभा वुमन्स नेसन्स भलिबल लिगको उपाधि भारतले जितेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा बुधबार सम्पन्न फाइनलमा नेपाल भारतसँग ३–२ को सेटमा पराजित हुँदै लगातार भारतलाई जित्ने सूवर्ण मौका गुमाउन पुग्यो।
पहिलो सेट २५–२३ ले आफ्नो पक्षमा पारेको नेपालले दोस्रो सेट भने १४–२५ ले गुमाउन पुग्यो। तर तेस्रो सेटमा २५–२२ को जित निकाल्दै नेपालले खेलमा पुनः अग्रता बनाएको थियो।
तर चौथो सेट भने नेपालले २१–२५ ले गुमाउन पुग्यो। त्यस्तै पाँचौ तथा अन्तिम सेटमा भारतले नेपाललाई १५–५ ले जितेको हो ।
