बन्दुकसहित दुई शिकारी पक्राउ

दाङ । दाङमा भरुवा बन्दुकसहित दुई शिकारी पक्राउ परेका छन् । जिल्लाको तुलसीपुर उपमहानगरपालिका–४ सुनवलपुरका ३६ वर्षिय टंककुमार सिजाली र २९ वर्षिय युवराज गिरीलाई शनिबार मध्यराति स्थानीय जंगल क्षेत्रबाट पक्राउ गरेको प्रहरीले जनाएको छ ।

प्रहरीका अनुसार उनीहरु तुलसीपुर–४ ठूलाखालीस्थित गादीबरा सामुदायिक वन क्षेत्रबाट शनिबार मध्यराति पक्राउ परेका हुन् । उनीहरुको साथबाट एक थान भरुवा बन्दुक र त्यसमा लाग्ने २१ वटा छर्रासमेत बरामद भएको इलाका प्रहरी कार्यालय तुलसीपुरले जनाएको छ ।

कार्यालयका प्रहरी प्रवक्ता प्रहरी निरीक्षक प्रकाश थापाले शिकारीहरुलाई इलाका प्रहरी कार्यालय तुलसीपुरको प्रहरी हिरासतमा राखिएको छ । उनीहरु चोरी शिकारी भएको आशंका भइरहेको उनले जानकारी दिए ।