स्याङ्जाको चापाकोटमा ट्याक्टर दुघर्टना हुँदा चालकको मृत्यु

काठमाडाैँ । स्याङ्जाको चापाकोट नगरपालिकामा आइतबार बेलुका ट्याक्टर दुघर्टना हुँदा चालकको मृत्यु भएको छ ।

मृत्यु हुनेमा पाल्पाको रामपुर नगरपालिका वडा नम्बर ४ देबिस्थान घर भई हाल चापाकोट नगरपालिका वडा नम्बर १० बोटेटार ससुराली बस्ने २८ वर्षीय महेन्द्र दमाई रहेको जिल्ला प्रहरी कार्यालय स्याङ्जाका सूचना अधिकारी उमेशलाल श्रेष्ठले जानकारी दिए ।

आइतबार बेलुका चापाकोट नगरपालिका वडा नम्बर १० बायोडाँडास्थित भित्रि सडक खण्डमा बारीकुनाबाट माटो लिई चापाकोट तर्फ आउँदै गरेको लु ४ त २२१ नम्बरको ट्याक्टर अनियन्त्रीत भई दुघर्टना भएको थियो ।

ट्याक्टर दुघर्टना हुँदा घाइते भएका उनको चापाकोट अस्पतालमा उपचार गर्न लगेकोमा डाक्टरले मृत घोषणा गरेको हो ।