उच्च अदालत पाटनका न्यायाधीश रामेश्वर रेग्मीको निधन
प्रकाशित मिति : 15 August, 2024 11:55 am
काठमाडौँ । उच्च अदालत पाटनका न्यायाधीश रामेश्वर रेग्मीको निधन भएको छ। मस्तिष्कको क्यान्सरबाट पीडित रेग्मीको ६१ वर्षको उमेरमा बुधबार राति निधन भएको हो।
ललितपुरको हरिसिद्धिस्थित नेपाल क्यान्सर अस्पतालमा उपचारका क्रममा निधन भएको उच्च अदालत पाटनले जनाएकाे छ ।
न्याय सेवाका सहसचिव रेग्मी २०७७ सालमा उच्च अदालतको न्यायाधीशमा नियुक्त भएका थिए। उनको बिहीबार पशुपति आर्यघाटमा दाहसंस्कार गरिने तयारी गरिएकाे छ।
