ट्रकले स्कुटरलाई ठक्कर दिएपछि गठ्ठाघरमा तनाव
प्रकाशित मिति : 15 August, 2024 3:38 pm
काठमाडौँ । भक्तपुरको गठ्ठाघरमा ट्रकले स्कुटर चालकलाई ठक्कर दिएको छ। कौशलटारबाट गठ्ठाघरतर्फ गएको ना.६ ख २१७३ नम्बरको भाडाको ट्रकले स्कुटरलाई लछारेको जिल्ला प्रहरी परिसर भक्तपुरले जनाएको छ ।
ट्राफिकले लुकेर चेकजाँच गरेको र ट्रकले एक्कासि ब्रेक लगाउँदा दुर्घटना निम्तिएको भन्दै सर्वसाधारणले विरोध गरेका हुन्। यस क्रममा केही सवारीसाधनमा तोडफोडसमेत गरिएको छ।
चेकजाँचमा संलग्न ट्राफिक प्रहरीहरूलाई भने सर्वसाधारणबाट आक्रमणको प्रयास भएपछि प्रहरीले सुरक्षा दिएर त्यहाँबाट भगाएको छ।
