झापाको अर्जुनधारामा कटुवा पेस्तोलसहित एक व्यक्ति पक्राउ

काठमाडौँ । झापाको अर्जुनधारामा एक थान कटुवा पेस्तोलसहित एक जना व्यक्ति पक्राउ परेका छन ।

मंगलबार बेलुका आठ बजे झापाको अर्जुनधारा नगरपालिका वडा नम्बर ४ दहिझोडा बस्ने ६२ वर्षीय इन्द्र बहादुर आङ्देम्बेलाई प्रहरीले कटुवा पेस्तोलसहित पक्राउ गरेको हो ।

अवैध रुपमा हातहतियार घरमा लुकाएर राखेको छ भन्ने गोप्य सूचनाको आधारमा इलाका प्रहरी कार्यालय अनारमनीबाट खटिएको प्रहरी टोलीले उनको घरको खानतलासी गर्दा एक थान कटुवा पेस्तोल बरामद गरेको जिल्ला प्रहरी कार्यालय झापाका सूचना अधिकारी एवम् डिएसपी कृष्णबहादुर चन्दले जानकारी दिए ।

आङ्देम्बेलाई इलाका प्रहरी कार्यालय अनारमनीमाले नियन्त्रणमा लिएर थप अनुसन्धान गरिरहेको डिएसपी चन्दले जानकारी दिए ।