नागढुंगा–नौबिसे सडकखण्डमा पहिरो, सवारी आवागमन ठप्प
प्रकाशित मिति : 21 August, 2024 12:52 pm
काठमाडौँ । पृथ्वी राजमार्ग अन्तर्गतको नागढुंगा–नौबिसे सडकखण्ड अवरुद्ध भएको छ ।
बुधबार बिहान ढुंगामाटो र रूखसहित ठूलो पहिरो खसेपछि सडक दुईतर्फी नै अवरुद्ध भएको हो ।
पहिरो पन्छाउन समय लाग्ने प्रहरीले जनाएको छ । प्रहरीका अनुसार सडक अवरुद्ध हुँदा काठमाडौँ भित्रिने र बाहिरिने सवारीसाधन बाटोमै रोकिएका छन् ।
