काठमाडौँको बलम्बुमा प्रेसर कुकरमा तारले बाँधिएको अवस्थामा शंकास्पद वस्तु फेला
प्रकाशित मिति : 22 August, 2024 10:17 am
काठमाडौँ । काठमाडौँको चन्द्रागिरिस्थित बलम्बुमा शंकास्पद वस्तु फेला परेको छ।
चन्द्रागिरि नगरपालिका-१२ बलम्बु स्कुल नजिकैको एक घरअगाडि प्रेसर कुकरमा तारले बाँधेको अवस्थामा शंकास्पद वस्तु फेला परेको प्रहरीले जनाएको छ।
घटनास्थलमा प्रहरी प्रभाग बलम्वुका प्रहरी निरीक्षक उपेन्द्रप्रसाद आचार्यको नेतृत्वमा प्रहरी टोली र नेपाली सेनाको टोली पुगिसकेको जिल्ला प्रहरी परिसर काठमाडौँका प्रवक्ता एसपी नवराज अधिकारीले जानकारी दिए।
