मुस्ताङको थसाङमा हिमपहिरोले बोक्से खोला थुनियो
प्रकाशित मिति : 23 August, 2024 4:27 pm
काठमाडौँ । मुस्ताङको थसाङ गाउँपालिकाको बोक्सीखोलामा हिमपहिरो गएको छ । थसाङ गाउँपालिका वडा नम्बर २ कोबाङमा हिमपहिरो खसेर खोला थुनिएको हो ।
पहिरोले बोक्सी खोला थुनिएकोले खोला आसपासका बासिन्दालाई सतर्क रहन जिल्ला प्रशासन कार्यालय मुस्ताङले आग्रह गरेको छ ।
खोलाको तटीय क्षेत्रमा ९ घरहरू रहेको उनीहरूलाई सुरक्षित स्थानमा सारेको जिल्ला प्रशासन कार्यालयले जनाएको छ । खोला थुनिएपछि तीनवटै सुरक्षा निकायलाई सतर्क राखिएको छ ।
